Mga Isyu sa Karapatang-Pantao

Ano ang pumapasok sa iyong isipan kapag naririnig mo ang salitang karapatan? Karapatang- pantao? Alam mo ba ang mga karapatan mo bilang tao sa mundo?

Ang karapatan ayon sa United Nations ay likas sa tao anuman ang pinanggalingan, kasarian, paniniwala, katayuan sa buhay, at nasyonaliad. Maraming isyu ang nakapaligid sa karapatang-pantao sa buong mundo, at ang Pilipinas ay hindi eksepsiyon. Mula pa noong una, ang Pilipinas ay nagdusa ng mga paglabag sa karapatang-pantao galing sa mga mananakop na Espanyol, Amerikano, at Hapon. Nang makamit ang kalayaan, ang pagdurusa ay hindi natapos nang mapaupo si Ferdinand Marcos at ginamit ang kaniyang kapangyarihan upang abusuhin ang mga mamamayan at manatili sa itaas ng bansa. Sa ngayon naman, ang ating Pangulong si Rodrigo Duterte ay inaakusahan ng iba-ibang organisasyon at mga bansa sa mundo na nilalabag ang mga karapatang-pantao ng mga Pilipino dahil sa kaniyang war-on-drugs.

Gusto mo bang mapalalim ang iyong kaalaman tungkol sa karapatang-pantao? Ipagpatuloy ang aralin na ito.  

Upang maliwanagan tungkol sa isyung pumapalibot sa karapatang-pantao, matututunan mo sa araling ito ang anyo, epekto, at halimbawa ng karapatang pantao. Inaasahang mauunawaan mo ang kahalagahan nito sa paglunsad ng respeto at pagkakapantay-pantay ng bawat tao, at makapag-paplano at makapagmumungkahi ng paraan upang maturuan ang mga mamamayan na mapangalagaan at maprotektahan ang kanilang karapatan at maiwasan na ito ay malabag ninuman. 

Tandaan: Huwag laktawan ang kahit na anong parte ng talakayan upang masigurado na matututunan mo ang layunin ng araling ito. Sundin ang mga panuto.